Magnus es, domine, et laudabilis valde:

magna virtus tua, et sapientiae tuae non est numerus.

et laudare te vult homo, aliqua portio creaturae tuae,

et homo circumferens mortalitem suam,

circumferens testimonium peccati sui

et testimonium, quia superbis resistis:

et tamen laudare te vult homo, aliqua portio creaturae tuae.

tu excitas, ut laudare te delectet,

quia fecisti nos ad te

et inquietum est cor nostrum,

donec requiescat in te.

sequitur