EXERCISE TWELVE (2005/06/17)
Translate the following news and describe in detail all verbs in red.

Discrimen Unionis Europaeae
10.06.2005

Postquam Francogalli et Nederlandienses suffragio populari legem Unionis Europaeae fundamentalem reiecerunt, etiam in aliis terris adversarii constitutionis novas vires recuperaverunt.

In Dania, ubi suffragium die vicesimo septimo mensis Septembris futurum est, ex demoscopiis recens factis apparet maiorem partem civium legi obsistere. Poloni suffragium in mensem Octobrem constitutum different, si in conventu moderatorum Unionis mense Iulio nullum certum consilium de lege captum erit. Britanni de suffragio in posterum differendo iam decreverunt. In Norvegia maior pars civium votum adversarium ferrent, si nunc de patria ad Unionem Europaeam adiungenda interrogarentur.
(Tuomo Pekkanen)
demoscopia= public-opinion