Quid est littera?
Custos historiae
Quid est verbum?
proditor animi
quid generat verbum?
lingua
quid est lingua?
flagellum aeris
quid est aer?
custodia vitae
quid est vita?
beatorum laetitia, miserorum maestitia, expectatio mortis
quid est mors?
inevitabilis eventus, incerta peregrinatio, lacrimae viventium, latro hominis
quid est homo?
mancipium mortis, transiens viator, loci hospes
quo modo positus est homo?
ut lucerna in vento
ubi positus est?
intra sex parietes
quos?
supra, subtus, ante, retro, dextra laevaque
quot habet socios?
quattuor
quos?
calorem,frigus, siccitatem, humorem
quot modis variabilis est?
sex
quibus?
esurie et saturitate, requie et labore, vigiliis et somno
quid est somnus?
mortis imago
quid est libertas hominis?
innocentia
quid est caput?
culmen corporis
quid est corpus?
domicilium animae
quid sunt comae?
vestis capitis
***
quid est barba?
sexus discretio, honor aetatis
quid est cerebrum?
servator memoriae
qid sunt oculi?
duces corporis, vasa luminis, animi indices
quid sunt nares?
adductio odorum
quid sunt aures?
collatores sonorum
quid est frons?
imago animi
quid est os?
nutritor corporis
quid sunt dentes?
molae morsorum
quid sunt labia?
valvae oris
quid est gula?
devorator cibi
quid sunt manus?
operarii corporis
quid sunt digiti?
chordarum plectra
quid est pulmo?
servator aeris
quid est cor?
receptaculum vitae
quid est jecur?
custodia caloris
quid sunt crura?
columnae corporis
quid sunt pedes?
mobile fundamentum
quid est sanguis?
humor venarum, vitae alimentum
quid sunt venae?
fontes carnis
quid est caelum?
sphaera volubilis, culmen immensum
quid est lux?
facies omnium rerum
quid est dies?
incitamentum laboris
quid est sol?
splendor orbis, caeli pulchritudo, naturae gratia, honor diei, horarum distributor
quid est luna?
oculus noctis, praesaga tempestatum
quid sunt stellae?
pictura culminis, nautarum guberntores, noctis decor
quid est pluvia?
conceptio terrae, frugum generatrix
quid est nebula?
nex in die, labor oculorum
quid est ventus?
aeris perturbatio, mobilitas aquarum ,siccitas terrae
quid est terra?
mater crescentium, nutrix viventium, cellarium vitae, devoratrix omnium
quid est mare?
audaciae via, limes terrae, divisor regionum, hospitium fluviorum, fons imbrium.
quid est aqua?
subsidium vitae, ablutio sordium
quid est gelus?
persecutio herbarum, perditor foliorum, vinculum terrae, pons aquarum
quid est nix?
aqua sicca
quid est hiems?
aestatis exul
quid est ver?
pictor terrae
quid est aestas?
revestio terrae, maturitio frugum
quid est autumnus?
horreum anni
quid est annus?
quadriga mundi
quis ducit eam?
nox et dies, frigus et calor
quis est auriga ejus?
sol et luna
quot habent palatia?
duodecim
qui sunt praetores palatiorum?
aries, taurus, gemini, cancer, leo, virgo, libra, scorpio, sagittarius, capricornus, aquarius, pisces
quid est navis?
navis est domus erratica, viator sine vestigiis, vicina harenae
quid est harena?
murus terrae
quid est herba?
vestis terrae
quid sunt holera?
amici medicorum, laus coquorum
quis est qui amara dulcia facit?
fames
quid est vigilanti somnus?
spes
quid est spes?
refrigerium laboris, dubius eventus
quid est amicitia?
aequalitas animorum
quid est fides?
ignotae rei et mirandae certitudo
vidi (I saw) feminam volantem rostrum habentem ferreum et corpus ligneum et caudam pennatam, mortem portantem?
socia est militum (sagitta -ae f. arrow)
quid est miles?
murus imperii, timor hostium, gloriosum servitium
quid est quod est et non est?
nihil
quo modo potest esse et non esse?
nomine est et re non est.
* * *