Apollo et Hyacinthus



Oebalus, Lacedemoniæ Rex, Tenor.
Melia, Oebali Filia, Sopranus.
Hyacinthus, Oebali Filius, Sopranus.
Zephyrus, Hyacinthi intimus, Altus.
Sacrificulus Apollinis primus, Bassus.

* * *


Oebalus:
Agite! Fundite et mecum preces.

Chorus:
Numen o Latonium!
Audi vota supplicum,
Qui ter digno Te honore
Certant sancte colere:
Hos benigno Tu favore
Subditos prosequere.

Oebalus: O Apollo creditam
Tibi semper protege
Et dignare lumine
Oebali Laconiam.

Chorus:
Numen o Latonium!
Audi vota supplicum,
Qui ter digno Te honore
Certant sancte colere:
Hos benigno Tu favore
Subditos prosequere.

(Fulmen ignem et aram destruit.)

Melia:
Heu me! Periimus! Numen heu nostras preces respuit!

Hyacinthus:
Erigere mentem Genitor! Insonentem geris
Animum, quid ergo Numine a bono mali
Metuas?
Sæpe terrent Numina,
Surgunt, et minantur,
Fingunt bella, quæ nos angunt,
Mittunt tela, quæ non tangunt,
At post ficta nubila
Rident et iocantur.



updated on 2015/06/01