Ardua ad gloriam via.
Ad gloriam per spinas.
Post spinas palma.
Ex luna scientia.
Copia ex industria.
Falsa est fiducia formae.
Forma raro cum sapientia.
Satis eloquentiae, sapientiae parum.
In maxima potentia minima licentia.
Historia magistra vitae.
Philosophia vitae magistra.
Rixa rixae causa est.
Aurora Musis amica est.
Cicada cicadae cara, formicae formica.
Divitiae bona ancilla, pessima domina.
Anxia divitiarum cura.
Nulla rosa sine spinis.
Urticae proxima saepe rosa est.
Semper odoriferis proxima spina rosis.
Spes ultima dea.
Amicus res rara.
Credula res amor.
Res forma fugax.
Nulla dies sine linea.
Nullus dies omnino malus.
Animae spes optima nutrix.
Speculum mentis est facies.
Res immoderata cupido est.
Dum vita est, spes est.
In corde spes, vis, et vita.
Aegroto dum anima est, spes est.
O spes amantum credula, o fallax amor!
Discipulus est prioris posterior dies.
Dies imago vitae, nox mortis est.
Caput rerum Roma est.
Pax optima rerum.
Libertas optima rerum.
Lingua rerum optima et pessima.
Memoria est thesaurus omnium rerum et custos.
Natura rerum omnium mater.
Omnium rerum principia parva sunt.
Tempus edax rerum.
Tempus rerum imperator.
Tempus est optimus iudex rerum omnium.
Pecunia una regimen est rerum omnium.
Mors ultima linea rerum est.
Sunt lacrimae rerum.
Mare verborum, gutta rerum.
Nemo claudicat alieno ex dolore.
Caput imperat, non pedes.
Pauper dominum, non sortem mutat.
Vulpes pilum mutat, non mores.
Lupus non curat numerum ovium.
Scabiosa ovis totum inquinat gregem.
Mus satur insipidam diiudicat esse farinam.
Plures necat gula quam gladius.
Plures necat crapula quam gladius.
Ensis corpus vulnerat, mentem sermo.
Bello gladius, voluptas pace vulnerat.
Senem iuventus pigra mendicum creat.
In caput auctoris facinus plerumque redundat.
Stat lapis et nomen tantum, vestigia nulla.
Tempus saevas paulatim mitigat iras.
Canis sine dentibus vehementius latrat.
Vacuum vas altius pleno vaso resonat.
Plenus venter facile de ieiuniis disputat.
Cum caput aegrotat, corpus simul omne laborat.
Pelle sub agnina latitat mens saepe lupina.
Saepe creat molles aspera spina rosas.
Felis amat pisces sed aquas intrare recusat.
Enumerat miles vulnera, pastor oves.
Navita de ventis, de bobus narrat arator.
Optat ephippia bos piger, optat arare caballus.
Bonus pastor animam suam dat pro ovibus suis.
Summa est in silvis fames dum lupus lupum vorat.
Paupertas est lucerna quae omnia mala demonstrat.
Camelus vel scabiosa complurium asinorum gestat onera.
Non timeo, sed caveo.
Nec timeo, nec tumeo.
Misceo iocis seria.
Anguillam cauda teneo.
Folio ficulno teneo anguillam.
Vestigia nulla retrorsum video.
Doctum doces.
Asinum tondes.
Mulges hircum.
Prius antidotum quam venenum adhibes.
Sacra misces profanis.
Caelum terrae, terram caelo misces.
Alienis malis ridemus.
Aliena vitia in oculis habemus, a tergo nostra sunt.
Vicinus bonus ingens bonum.
Nec vita nec fortuna hominibus perpes est.
Felix culpa.
Absque sanitate nemo felix.
Bis puer est senex.
Extra periculum audax.
Canis est audax iuxta proprias aedes.
Fallax vulgi iudicium.
Deus non est velox ad poenam.
Veritatis simplex oratio est.
Memoria beneficiorum fragilis est, iniuriarum tenax.
Longum iter est per praecepta, breve et efficax per exempla.