Conversatio
salve / salvēte. (Hello.) Ita. (Yes) Minimē. (Not at all)
Quid est tibi nōmen ? (What’s your name?)
Mihi nōmen ... est. (My name is _________)
Quomodo vales? (How are you?)
Bene mē habeō, (I’m fine.)
Iterum dīc, quaesō. (Say again, please.)
Leniter, quaesō. (Slowly, please.)
Maiōre vōcē, quaesō. (Louder, please)
Scrībe, quaesō. (Write it down, please)
Nōn intellegō. (I don’t understand)
Intellegisne? (Do you understand?)
Nōn intellēxī. (I didn’t understand?)
Intellēxistīne? (Did you understand or Have you understood?)
Mihi abeundum est. (I’ve got to go)
Valē / valēte, (Goodbye)

Corpus humanum
Corpus humanum quattuor membra habet: duo bracchia et duo crura.
Bracchium membrum est et crus membrum est.
In bracchio est manus, in crure pes.
Duae manus et duo pedes in corpore humano sunt.
In corpore unum caput est, non duo capita.
In capite sunt oculi et aures, nasus et os.
Super caput capillus est.
Capillus virorum non tam longus est quam feminarum.
Supra oculos frons est.
Infra oculos genae sunt.
Post frontem est cerebrum.
Os est inter duo labra.
In ore lingua et dentes insunt.
Dentes sunt albi ut margaritae.
Lingua et labra rubra sunt ut rosae.
Homines oculis vident et auribus audiunt.
Homo qui oculos bonos habet bene videt, qui oculos malos habet male videt.
Qui aures bonas habet bene audit, qui aures malas habet male audit.
Delia male audit, ea enim aures malas habet.

Bestiae
Equus et asinus, leo et lupus, canis et ovis bestiae sunt.
Leo et lupus sunt bestiae ferae, quae alias bestias capiunt et edunt.
In Africa sunt multi leones.
Pastores Africae leones timent, nam leones non solum oves pastorum edunt, sed etiam pastores ipsos!
Ferae et homines amici non sunt.
Canis amicus hominis est, ea bestia fera non est.
Aliae bestiae sunt aves, aliae pisces.
Aquila est magna avis fera, quae parvas aves capit et est.
Aves in aere volant.
Pisces in aqua natant.
Homines in terra ambulant.
Avis duas alas habet. Homo duos pedes habet.
Piscis neque alas neque pedes habet.
Avis quae volat alas movet.
Homo qui ambulat pedes movet.
Piscis qui natat caudam movet.
Cum avis volat, alae moventur.
Cum homo ambulat, pedes moventur.
Cum piscis natat cauda movetur.

Pastor
Hic vir, qui in campo ambulat, pastor Iulii est.
Pastor non solus est in campo, nam canis niger cum eo est et centum oves:
una ovis nigra et undecentum oves albae.
Pastor unam ovem nigram et multas oves albas habet.
Is est dominus ovis nigrae et ovium albarum.
Pastor ovi nigrae et ovibus albis aquam et cibum dat.
Cum una ove nigra et undecentum ovibus albis pastor in campo est.
Cibus ovium est herba, quae in campo est. In rivo est aqua.
Oves in campo herbam edunt, et aquam bibunt e rivo, qui inter campum et silvam est.
Canis herbam non est, neque pastor herbam est.
Cibus pastoris est panis, qui inest in sacco. Iulius pastori suo panem dat.
Pastor cani suo cibum dat: canis a pastore cibum accipit.
Itaque canis pastorem amat.


Assimil
Latine loqueris?
Nondum latine loquor: haec mihi prima lectio est.
Cito latine loqueris.
Lingua latina difficilis est.
Minime! Lingua latina difficilis non est.
Recte dicis, sed Roma non uno die aedificata est.

Quis venit?
Ego venio: tabellarius sum!
domum venis: epistulam mihi das.
Ita Domine, epistulam tibi do.
Da, quaeso, poculum parvum caffei!
Illi poculum magnum vini do.
Ille non multum caffei dat.
salve / salvēte. (Hello.)

Quid quaeris?
Hanc epistulam non intellego.
Tibi auxilio esse possum.
Potesne?
Hoc mihi magno gaudio est.
Da illam! lingua italica scripta est.
Amicus tuus Fabricius te Romam invitat.
Familiam quoque tuam accipere potest.
Amicus meus generosus est.
Tu quoque, homo bonus es.

Salve Felix! Ut vales?
Valeo! Quid vis?
Fratres tuos videre volo.
Nescio ubi sint. Soror autem domi adest.
Pater et mater quoque adsunt, sed fratres absunt.
Mihi est soror una.
Tibi sunt sorores tres et frater unus.
Illi nullae sunt sorores
Fratres tres sumus. Sorores duae estis.
Sum, es, est, sumus, estis, sunt, esse.
Absum, abes, abest, absumus, abestis, absunt, abesse.
Homo unus, mater una, poculum unum,
homines duo, matres duae, pocula tria.


Cerberus
Caecilius est in hortō.
Caecilius in hortō sedet.
servus est in ātriō.
servus in ātriō labōrat.
Metella est in ātriō.
Metella in ātriō sedet.
Quīntus est in tablīnō.
Quīntus in tablīnō scrībit.
Cerberus est in viā. coquus est in culīnā.
coquus in culīnā dormit.
Cerberus intrat.
Cerberus circumspectat.
cibus est in mēnsā.
canis salit.
canis in mēnsā stat.
Grumiō stertit.
canis lātrat.
Grumiō surgit.
coquus est īrātus.
"pestis! furcifer!" coquus clāmat.
Cerberus exit.

Mercātor
amīcus Caecilium vīsitat.
amīcus est mercātor.
mercātor vīllam intrat.
Clēmēns est in ātriō.
Clēmēns mercātōrem salūtat.
Caecilius est in tablīnō.
Caecilius pecūniam numerat.
Caecilius est argentārius.
amīcus tablīnum intrat.
Caecilius surgit.
"salvē!" Caecilius mercātōrem salūtat.
"salvē!" mercātor respondet.
Caecilius triclīnium intrat.
amīcus quoque intrat.
amīcus in lectō recumbit.
argentārius in lectō recumbit.
Grumiō in culīnā cantat.
Grumiō pāvōnem coquit.
coquus est laetus.
Caecilius coquum audit.
Caecilius nōn est laetus.
Caecilius cēnam exspectat.
amīcus cēnam exspectat.
Caecilius Grumiōnem vituperat.

In triclīniō
Grumiō triclīnium intrat.
Grumiō pāvōnem portat.
Clēmēns triclīnium intrat.
Clēmēns vīnum portat.
Caecilius pāvōnem gustat.
pāvō est optimus!" Caecilius clāmat.
mercātor quoque pāvōnem gustat.
mercātor cēnam laudat.
dominus coquum laudat.
Grumiō exit.
ancilla intrat.
ancilla suāviter cantat.
ancilla dominum dēlectat.
ancilla mercātōrem dēlectat.
mox dominus dormit.
amīcus quoque dormit.
Grumiō triclīnium intrat et circumspectat.
coquus cibum in mēnsā videt.
Grumiō cibum cōnsūmit et vīnum bibit!
Caecilius Grumiōnem nōn videt.
coquus in triclīniō magnificē cēnat.
coquus ancillam spectat.
ancilla Grumiōnem dēlectat.
Grumiō ancillam dēlectat.
Grumiō est laetissimus.

In forō
Caecilius nōn est in vīllā.
Caecilius in forō labōrat.
Caecilius est argentārius.
argentārius pecūniam numerat.
Caecilius forum circumspectat.
ecce! pictor in forō ambulat.
pictor est Celer.
Celer Caecilium salūtat.
ecce! tōnsor quoque est in forō.
tōnsor est Pantagathus.
Caecilius tōnsōrem videt.
"salvē!" Caecilius tōnsōrem salūtat.
"salvē!" Pantagathus respondet.
ecce! vēnālīcius forum intrat.
vēnālīcius est Syphāx.
vēnālīcius mercātōrem exspectat.
mercātor nōn venit.
Syphāx est īrātus.
Syphāx mercātōrem vituperat.

Senex
Senex quīdam ligna in silvā cecīderat,
et fasce in humerōs sublātō, domum redīre coepit.
Cum fatīgātus esset et onere et itinere, dēposuit ligna,
et senectūtis et inopiae miseriās sēcum reputans,
clārā vōce invocāvit Mortem, ut sē omnibus malīs līberāret.
Mox adest Mors et interrogat, quid vellet.
Tum senex perterritus:
"Prō! Hunc lignōrum fascem, quaesō, humerīs meīs impōnās."